Tata ta mata su yiu como sacrificio na “dios”

0

RAJASTAN, India- Un homber Indio a corta garganta di su yiu muhe di cuater aña. Ora cu su crimen a wordo descubri el a gaña cu ta un pushi el a mata.
Un homber di 26 aña a wordo aresta diasabra na Inda pa a asesina su yiu di cuater aña. Esaki tabata como “ofrenda di sacrificio” pa agrada Dios, segun The Times of India a informa, citando palabranan di polis.
E hecho a tuma luga na Jodhpur, estado di Rajastan, diahuebs durante e luna sagrado di Ramadan. E tata, identifica como Nawab Ali Qureshi, a cumpra algun cos dushi pa su yiu Rizwana, cu nan e momentonan ey, tabata na cas di su wela, pa asina convence e mucha pa bay cas cun’e.
Den oranan di anochi, Qureshi a hiba su yiu den un camber, recitando versiculonan di Koran, y a corta su garganta. Despues el a bay drumi bek.
E casa di Qureshi, ora el a spierta den marduga, a haya e curpa sin bida di su yiu muhe. Autoridadnan a registra e escena di crimen y el a wordo hiba pa wordo interoga. Na principio, segun polis, el a purba convence su famia cu un pushi lo por a mata Rizwana, pero finalmente a confesa e asesinato.
“Mi ta stima mi yiu mas cu mi mesun bida. Mi a ofrec’e como sacrificio”, tabata palabranan di acusado, segun polis.

Comments

comments