London, REINO UNI- Un homber di 54 aña, di Coventry, Reino Uni a wordo condena na 21 aña di prizon y cinco condicional pa a viola su yiu lesbiana pa demostra esaki cu “sex ta miho cu hende homber”. Ora cu e yiu a confesa e tata di su condicion sexual, e homber a rabia asina tanto, cu el a cuminsa abusa di su yiu. “E violacion ta impica degradacion y humiyacion”. El a demostra su hostilidad pa cun’e pa motibo di su condicion sexual.
E violado, cual nomber no a wordo revela, pa proteccion di e victima, a viola tambe su otro yiu muhe. E sentencia ta condena e homber na 21 aña di prizon pa a comete tres violacion durante e decada di 80y 90.
E hues, Andrew Lockhart, encarga cu e huicio a conclui: “E tribunal a scucha ambos muhe. Ambos a wordo daña severamente na nivel psicologico pa su comportamento. Skuchando e sentimento di culpabilidad di un di e victimanan pa a laga su ruman enfrenta na e homber ta e prueba mas desgarado di tur e evidencia”, segun e hues.
E violado no a reconoce e hechonan. SIn embargo, e unico posibilidad cu e homber aki tin di keda den libertad ta cu e Hunta di Libertad Condicional considera cu ta safe pa haci esaki, y e ora e lo keda den libertad condicional pa e resto di e periodo y pa cinco aña mas.
Ademas, e pruebanan a conclui cu e violado ya a yega di abusa di su yiu anteriormente, ora cu esaki tabata chikito. E tribunal a bisa over di e yiu mayor: “Esaki a afecta e yiu mayor masha hopi mes. El a laga su hogar y el a pensa cu su ruman no ta salba, pasobra el a kere cu nunca e lo mishi cun’e di e mesun manera”.