MERCA – Tata di un muhe cu a perde na Aruba 12 aña pasa, ta indica cu su famia tin informacion nobo riba su desaparicion.
Natalee Holloway a desaparece na 2005 durante un biahe di studiante na Mei di 2005 ora cu el a desaparece. Su curpa nunca a wordo haya, pero su famia ta kere cu e Hulandes, Joran van der Sloot – kende ta cera den un prizon Peruano pa a mata un muhe na 2010 den un caso no relaciona – ta tras di e desaparicion di Holloway.
Den e serie nobo “The Disappearance of Natalee Holloway, cu lo tin su premiere dia 19 di Augustus, publico lo por sigui Dave Holloway mientras cu e ta purba di saca afo kico a pasa cu su yiu muhe.
“Diesdos aña y ainda sin nada – te cu awo,” Dave a conta People Magazine.
“E evidencia aki, nos tin un persona cu ta indica cu e tabata directamente envolvi den disposicion di e restonan di Natalee,” el a agrega.
E no a elabora riba e hayasgonan.
Aña pasa, e mama di Natalee, Beth, a conta Today.com cu “husticia no a wordo sirbi” den e desaparicion di su yiu muhe. “Nunca bo lo recupera di e perdida di un ser stima,” el a agrega. “Husticia a wordo sirbi pa Stephany Flores, danki Dios,” Holloway a bisa, referiendo na e muhe Peruano, kende a wordo mata pa van der Sloot. “Y e ta den un prizon na Peru. Pero husticia no a wordo sirbi pa Natalee.”
“Esey lo ta husticia p’ami, pa mir’e cera den un prizon na Merca. Esey lo ta husticia pa Natalee,” el a bisa.
Van der Sloot tambe ta enfrenta cargonan na Merca door di aparentemente extorciona placa for di famia Holloway a cambio di informacion falso riba su desaparicion.
Fuente: http://www.theepochtimes.com