NEW DELHI, India- Tata di e mucha muhe secuestra, Insiya ta menasa di cuminsa un caso contra di Amber Alert. Shehzad Hemani a manda cartanan for di India, unda cu e ta exigi pa Amber Alert kita e potret di su yiu muhe di 3 aña for di nan website.
Tambe e lo kier pa e noticianan di e desaparicion y e liveblog tocante di e secuestro wordo baha. Amber Alert a ricibi tres carta na nomber di e tata, pero no a duna oido na su exigencianan.
Insiya a wordo secuestra na September 2016 for di e vivienda di su wela den e bario Watergraafsmeer na Amsterdam. Hemani ta wordo sospecha di a duna ordo pa e secuestro. Ya caba el a entrega un denuncia contra di e mama y e reportero criminal John van den Heuvel. Abogado di Hemani, Gerard Sprong a bisa di no ta na altura di e carta di exigencia di su cliente. Mas e no kier a bisa ariba e caso.
Corte na Den Haag luna pasa a dicta sentencia cu e mucha ta wordo teni na India ilegalmente y cu e lo mester wordo regresa Hulanda inmediatamente. Autoridadnan Indio no ta cooperando. Ademas di e tata, Ministerio Publico ta sospecha di ocho persona mas cu tabata involucra den e secuestro.
Fuente: https://www.rtlnieuws.nl/