Tata di mountain biking Gary Fisher pronto na Aruba!

Ya caba pa algun dia rumornan ta circulando riba medio nan social si ta berdad cu Tata di Mountain Biking lo ta na Aruba dianan 25, 26 y 27 di januari ora cu Tri-Bike Team Aruba tin nan gran “7th Annual Tri-bike Team Aruba Mountain Bike Event”.Awe Tri-Bike Team Aruba tin e gran placer di confirma y anuncia oficialmente cu tata di mounting biking Sr. Gary Fisher lo tey na Aruba fin di januari!
Gary Fisher a cuminsa historia ora ela cuminsa race bai abou for di California’s Mount Tam riba su “cruiser” modifica. Desde e punto aki Gary Fisher a lidera e mundo di mountain bike rumbo pa mas inovacion unda cu ela haci su vision personal un realidad. E la pone piezanan di bicicleta di careda i motorcycle parts riba su “klunker”, e prome bais cu un suspencion parti dilanti te na su model mas conoci di mountain bike cu ta e “Two-Niner , e 29-inch”wheels mountainbike.
Te cu e dia di awe ainda Gary Fisher ta practica e deporte di mountain bike y pusha pa mas inovacionnan pa mehora e deporte. No keda sorprendi cu durante Tri-Bike Team su “7th Annual Tri-Bike Team Mountain Bike Event” Gary Fisher pasabo durante e den e caredanan si e dicidi di participa . Gary Fisher ta conoci pa semper ta wak, scucha y identifica solucionan mas logico pa asina hiba e deporte mas dilanti.
Tri-bike Team Aruba su 3-daagse, un di e caredanan hopi gusta pa esnan cu ta practica e deporte di mountain bike, ta consisti di 3 diferente careda na 3 diferente localidad.
Keda pendiente paso pronto Tri-bike Team Aruba lo saca e programa oficial di “7th Annual Tri-Bike Team Mountain Bike Event” via diferente medionan di comunicacion.
Tri-Bike Team Aruba kier a gradici su main sponsors nan CMB ,PWC ,Tri-Bike Aruba y Atlantis submarines pa yuda haci e 3 daagse posibel.
Pa mas informacion por bishita nos Facebook Page TRI-BIKE-ARUBA of contact nos na 585-2734.