Patruya di Strandpolitie a wordo manda pa central na un high rise hotel, caminda cu segun e melding, un mayor preocupa tabata wardando riba nan, pasobra el a perde su yiu menor di edad.
Eynan a topa cu un turista yama DPG, kende a conta cu mas of menos 20 minuut prome cu polis a yega, e y su casa, hunto cu tres yiu (2, 9 y 12), tabata den cercania di Gelatissimo, ora cu e yiu di mas chikito a bira fastioso y el a dicidi bay cana cun’e. El a bisa e yiu mas grandi pa keda warda den vecindario di dicho negoshi. Ora cu el a yega bek, e no por a haya e mucha mas. Dado momento el a bati alarma y a cuminsa cu un accion di buskeda den e vecindario unda cu a mira e mucha ultimo biaha. E casa a cana tur hotel. Dado momento e tata a pensa pa bay na nan camber y a topa cu nan yiu eynan. DG a conta cu su yiu homber ta sufri di ADHD. Apesar cu e tata tabata hopi rabia cu su yiu homber, el a wordo mustra riba e hecho cu e y su casa tabata e responsabelnan primario pa sa unda nan yiunan ta.