Diabierna den careda di 12:10 merdia un takelwagen cu tabata transporta forklift a bay pa drenta parkeer plaats di Centro di Husticia na Macuarima, y e forklift riba dje a ranca wayanan di cable y coriente y consecuencia a ranca un palo di luz completo. Esaki a pone cu full e area di Santa Cruz y gran parti di otro barionan a keda sin coriente. Elmar y setar di biaha a yega na e sitio pa cuminsa cu e trabounan necesario.