TAIWAN, China- Diamars Taiwan a anuncia diamars cu e “lo retira tur e personal di su embahada y di su mision tecnico na Panama y tambe cu e lo suspende tur programa di asistencia y cooperacion bilateral”, despues cu e pais a establece relacionnan diplomatico cu China, segun EFE.
Den un comunicado difundi diamars, gobierno di e isla, considera un provincia rebelde door di China, a reitera cu “e ta lamenta profundamente y ta expresa su indignacion pa cu e decision” Panameño di “kibra unilateralmente e vinculonan diplomatico”.
“Gobierno di Republica di China (Taiwan) a dicidi di pone un fin na e relacionnan diplomatico cu Republica di Panama dia 13 di Juni, cu lo bay en efecto di biaha cu e solo motibo di salvaguardia e soberani y e dignidad nacional”, segun e comunicado unda ta anuncia e retiro di tur personal Taiwanes y e suspension di e programanan di asistencia y cooperacion.
Gobierno di Taiwan dialuna a recorda cu e relacion cu Panama a cuminsa na 1909 y cu el a colabora pa e desaroyo Panameño riba varios campo, unda cu tin un acuerdo di cooperacion non refundable pa 72 miyon dollar pa e periodo 2014- 2019.
Den e documento Taiwan ta papia di e desprecio di e gobierno Panameño, Juan Carlos Varela, pa e yudansa cu durante hopi aña Taiwan a duna Panama y e ta critica e pais centroamericano pa cay rindi pa e autoridadnan di Peking pa nan beneficio economico”.
Diamars e vice presidente y canciyer Panameño ISabel De Saint Malo, a reindivica e “decision soberano” di establece relacionnan diplomatico cu China, den un carta breve como contesta na e reaccion di Taiwan.
China ta e di dos usuario mas importante di e Canal di Panama y e prome proveedor di e Zona Libre di Colon, e mas grandi di e hemisferio.
Cu e ruptura unilateral di Panama cu Taiwan, e influencia di e isla den Latinoamerica y Caribe, unda cu e tin su principal bastionnan diplomatico, ta bira menos, awo cu 11 di su 20 paisnan aliado.
Fuente: www.ntn24.com