WILLEMSTAD – Corte a sostene diamars, dia 13 di Juni, cu dentro di e periodo di dia 10 di October, 2010 te cu 29 di September, 2012, tabata tin papia di mal maneho na Aqualectra y Refineria di Korsou (RdK). Na Aqualectra, Hof a sostene cu e hunta di accionista, e conseho di comisarionan y – te cierto punto – e directornan tabata responsabel di e diferente aspectonan di e mal maneho. Na RdK Corte a yega na conclusionnan similar respecto e hunta di comisarionan y directiva. E resto contra e empresanan aki a wordo rechasa. E peticionnan contra di Curoil a wordo rechasa.
Pa loke ta trata Aqualectra, Corte a stipula cu lo tabata tin papia di mal maneho den e siguiente terenonan:
1.Poco despues cu e gabinete Schotte na 2010 a sinta, e dirigentenan di Aqualectra a wordo suspendi y despues retira.
2. E hunta di comisarionan a bay sinta riba e stoel di e directiva pa asina tuma over e maneho diario.
3. Aqualectra a pasa over nan accionnan den e vennootschap, cu tabata propiedad indirecto di e BOO-centrale, sin cu a pasa over e contra prestacion na RdK, sin a investiga corectamente riba e balor di e accionnan.
4. Aqualectra a bay contra e suministro di panelnan solar, apesar cu nan no por a cumpli cu obligacionnan.
5. Aqualectra a cumpli cu otro obligacionnan riba un manera iresponsabel.
Pa loke ta trata RdK, corte a stipula cu lo tin papia akinan di mal maneho riba e siguiente terenonan:
1.Hunta di comisarionan a bay sinta riba stoel di e directiva pa asina tuma over e maneho diario.
2. E hunta di comisario a pone 17 miyon florin disponibel na directivanan di scol pa enseñansa gratuito.
3. E hunta di comisario no a cumpli cu e deber di RdK y a laga un banda e controlnan financiero
4. RdK a pasa over e accionnan di un sociedad cu indirectamente e BOO-Centrale tabata doño, for di Aqualectra, sin a haci un investigacion adecuado riba e balor di e accionnan aki.
5. rdK a haci gastonan gigantesco den cuadro cu e BOO-centrale. E gastonan aki a bay perdi. Door di esaki a bin e pregunta si RdK ta capas pa bira independiente pa haci explotacionnan di e refineria na 2019, si esey ta necesario.
Corte a huzga, aparte di e responsabilidad di e individuonan, pa establece mal maneho. Den e caso aki no tin obhetivonan di e investigacion haci pa esaki.