PAPUA NEW GUINEA – E Centro di Alerta di Tsunami di e Pacifico a suspende diasabra e aviso di tsunami a anuncia algun ora prome debi na e teremoto di magnitud 7.9 cu a golpia noordoost di Papua New Guinea.
“Segun e datonan disponibel, e menasa di tsunami pa e teremoto ya a pasa,” a señala e centro riba su pagina web.
E hipocentro di e temblor a localisa 103.2 kilometer di profundidad y 46 kilometer oost di Taron, Servicio Geologico di Merca (USGS), cu ta midi e actividad sismico di henter mundo, a informa.
E teremoto a sosode pa 8’or y 52 ora local dilanti e costanan di e region di New Ireland, sin cu e autoridadnan a informa di daño of victima.
Un replica di magnitud 6.3 a golpia den e mesun area un mey ora mas despues na 35 kilometer di profundidad.
E isla di New Guinea, cual mita occidental ta pertenece na Indonesia, ta sinta riba e “Ring of Fire” di Pacifico, un zona di gran actividad sismico y volcanico cu ta sacudi pa aña mas of menos un 7000 temblor, mayoria di nan modera.
Un teremoto di magnitud 7.0 den Lama di Bismarck, oost di Papua New Guinea, a provoca na 1998 un ola gigante cu a arasa decenas di aldea y a causa mas di 2200 morto den e mayor tragedia den historia di Papua New Guinea.
Fuente: NTN24