Segun minister Arthur Dowers, lo bay purba di cera e luganan caminda cu adictonan ta causa problema. E ta sigui splica cu berdad ta cu ta den proceso awor aki cu ministeiro di enseñansa pa haya material pa cera e scolnan bashi y ta spera cu por cuminsa cu proceso pa cera Coleigo Frere Bonifacius. Ta mira cu e adictonan ta keda move. Nan ta causa daño asina na e luga. E problema ta cu no kier pa causa daño na e scol.
Durante control a topa cu un adicto pa di dos biaha eyden y a splik’e cu e ta bezig ta kibra den luga di hende y esey ta castigabel. Si e sigui haci esaki, e lo wordo deteni. Esey a wordo splica na dje. A ofrece e posibilidad pa tuma tratamento cual el a nenga. Na momento cu constata cu e ta birando un peliger pa su mes of pa medio ambiente y cu ningun hende ta actua, e ora por actua tambe pa pone pa obligatoriamente pa e tuma tratamento.
Minister Dowers a splica cu lo bay evalua ki medida lo mester tuma. Di e adicto aki tin tur dato caminda cu si mester tuma medida, pa tume obligatoriamente tambe.
E problema di adictonan tey. Berdad minister Dowers a splica cu e problema aki ta un problema di sociedad y no di enseñansa. E ta un problema di comunidad. Nos tur tin cu purba di motiva y no tur ora ta logra y tin hende ta cansa di purba di motiva hende. Bo mester keda haci’e.