Ta purba cu exito remedi contra multiple sclerosis

0

Ocrelizumab ta e prome droga cu ta funciona den multiple scleroris primario progresico, contra cual na e momentonan aki no a haya ningun tratamento eficas, BBC Mundo a informa.

Expertonan a escribi e droga cu ta altera e sistema imunologico como un hito den e tratamento di e enfermedad aki.

E Agencia di Alimento y Remedi di Merca y autoridadnan sanitario Europeo lo bay evalua su eficacia y siguridad pa autorisa su comercialisacion.

Multiple Scleroris ta wordo causa pa un faya den e sistema imunologico cu ta confundi un parti di e celebro cu un invasor y ta atak’e.

E sistema imunologico ta distrui e capa di proteina, yama mielina, cu ta cubri y proteha e celulanan nervioso y ta yuda manda señalnan electrico desde e celebro pa e resto di curpa.

Esaki ta provoca perdida di forsa, dificultad pa cana, fatiga y vision boroso.

E sintomanan por empeora, cual ta loke ta conoce como MS primaria progresiva, of por aparece y desaparece (remitente-recurente).

Ambos forma ta incurabel, aunke ta existi tratamento pa e di dos.

Ocrelizumab ta mata parti di e sistema imunologoco – e asina yama celnan B – cu ta participa den e atake di mielina.

Den 732 pashent cu MS primaria progresiva, e porcentahe cu a sufri un deterioro a cay di 39% sin trtamento na 33% cu ocrelizumab.

Esnan cu a tuma e drog tambe tabata tin mester menos tempo pa cana un distancia di menos di 10 mter y un diagnostico via imagen a mustra cu nan a perde menos neurona.

Den 1656 pashent cu MS remitente-recurente, e probabilidd di sufri un recaida a reduci di 29% cu otro droga na 16% cu ocrelizumab.

E resultadonan di e estudionan aki tin e potencial di cambia con nos ta trata MS Primario progresivo y e remitente-recurente, Givan Giovannoni, profesor di e Scol di Medicina y Odontologia di London, a señala, kende a participa den e ensayonan.

“Ta un noticia hopi importante. Ta e prome biaha cu un tratamento ta mustra potencial pa reduci e progresion di e discapacidad pa MS Primario progresivo, loke ta trece hopi speransa pa futuro,” Aisling McMahon, director di ensayonan clinico di e Sociedad di Mulitple Sclerosis.

Peter Calabresi, dokter na e Universidad John Hopkins na Baltimore, Merca, a referi na e tratamento nobo aki como un hito, pero a adverti riba e necesidad pa ta atento na e efectonan colateral di e droga.

Fuente: El Universal