BANGKOK, Tailandia – Polis di Tailandia a detene tres homber – dos di nan Mericano – despues cu su agentenan a haya partinan di un curpa humano, den un freezer, durante un razzia pa un operacion di supuesto falsificacion di paspoort na Bangkok.
E agentenan no a identifica e restonan haya diabierna, pero a bisa cu e ta pertenece na un hende homber di rasa blanco.
Polis local a detaya cu un di su efectivonan a resulta herida den e operativo, ora cu el a enfrenta un di e sospechosonan cu tabata tin un arma di candela. E agente a ricibi impacto di bala den e zona di su heup, segun polis.
Autoridd tambe a recupera 10 paspoort, di acuerdo cu generla Suwat Chaengyodsuk.
El a bisa cu e agentenan ahaya “algun ekipo na e luga (cu) por wordo uza pa produci paspoortnan falso.”
E funcionario a agrega cu polis a confisca tres arma durante e registro y a haya “substancianan adictivo, incluyendo ice of metanfetamina.”
E hombernan cu ta bao di custodia a wordo identifica como James Douglas Eger y Gabel Aaron Thomas Gabel. Ambos ta ciudadano Mericano, segun polis.
E cargonan inicial haya ta sconde un cadaver y posesion di arma sin permiso, ademas di posesion di paspoort falso. E lista por aumenta a medida cu e investigacion ta avansa, polis a adverti.
No a confirma ni e nacionalidad ni e identidad di e di tres sospechoso, ya cu e no a wordo acusa formalmente, pero ta deteni na un hospital, autoridadnan a bisa.
Fuente: CNN en Español