Minister di Transporte, Sr. Chris Romero a papia tocante e problematica constante di taxi pirata cu tin na Aruba. E ta splica cu en berdad tin un demanda di transporte y usuarionan ta opta pa scoge un medio cu ta hibanan directamente pa nan trabou y bek pa nan cas pa un tarifa mas economico.
Mas aleu, e mandatario ta splica cu ta haciendo un estudio pa mira si tin espacio pa amplia e rutanan di e autobusnan cu no ta permiti pa yega cierto areanan manera esun hotelero. E Minister ta mustra cu e condicionnan di transporte a cambia hopi ora cu poblacion a crece y e demanda pa yega trabou tambe a crece. Ta trahando pa wak con por amplia e rutanan pa tur medio di transporte publico p’asina no perhudica niun hende den nan necesidad di transporte diario.
En cuanto e taxinan pirata, Minister Romero a splica cu a forma un comision cu ta trahando duro pa mira con ta bay pak aan e taxinan pirata cu a crece durante añanan y asina trece solucionnan.