LONDON, Inglatera – E aeropuerto di e ciudad di London a wordo habri bek despues di a wordo evacua pa “un grupo di pasahero cu no a sinti nan mes bon,” Polis Metropolitano a bisa den un comunicado.
Ainda ta desconoce e causa di e incidente, un vocero di e institucion a bisa CNN.
“Polis a ricibi yamada pa mas of menos 4’or di atardi di diabierna, di un grupo di pasahero di e aeropuerto di e ciudad di London, cu no tabata sinti nan mes bon. E funcionarionan a atende e yamada y ta na e luga di e hecho na e momentonan aki.”
Servicio di ambulance di e ciudad y bombero tambe a wordo yama “E aeropuerto a wordo evacua pa precaucion,” e comunicado a bisa.
Bomberonan a reporta cu nan a evacua cerca di 500 persona di e publico y di personal.
Servicio di Ambulance di London a bisa CNN cu a atende 26 pashent na e escena door di dificultad pa hala rosea, dos persona a wordo hiba hospital, segun un comunicado recientemente publica.
Fuente: CNN en Español