ARKANSAS, Merca – Autoridadnan di Arkansas a recaptura un homber cu a scapa di prizon 32 aña pasa. Steve Dishman, di mas of menos 60 aña, nunca a bandona Merca den tres decada. E convicto a huy na 1985, ora cu e tabata paga un sentencia di shete aña pa robo na propiedad. E homber tabata cera den e prizon di Benton.
Un persona cu conoce a conoce Dishman cinco aña despues di su fuga, tabata esun cu a informa autoridadnan. Ta desconoce e motibo pakico a haci esaki. Dishman tabata eligibel pa libertad condicional na 1987.
E homber ta luci bastante diferente na esun cu tabata cera den añanan ochenta. Ya e no tin mustashi ni cabey largo. Dishman a wordo ubica den su vivienda na Springdale den un caya solitario. Parce cu e tabata comparti e vivienda cu otro homber.
Bisiñanan a describi’e como un bon persona na New York Times. E aresto a wordo considera como “ireal”. Tambe a reporta cu Dishman y e compañero di e apartamento tabata tin problemanan di salud.
Fuente: www.laopinion.com