HONDURAS – Autoridadnan di Honduras ta extende diamars un alerta berde (preventivo) den seis di e 18 departamentonan di e pais aki pa awasero causa pa un area di presion halto y e influencia indirecto di e tormenta tropical Otto.
E alerta ta extende pa “otro 72 ora” den e departamentonan Caribeño di Gracias a Dios, Colon, Atlantida, Islas de la Bahia y Cortes, mescos cu den e parti nort Yoro, e Comision Permanente di Contingencias (Copeco), a indica den un comunicado di prensa.
E area di presion halto lo sigui tin influencia den e teritorio nacional cu “awasero y chubasconan modera fuerte,” specialmente den regionnan nort, insular y Mosquitia Hondureño, limite cu Nicaragua, e Centro di Estudionan Atmosferico (CENAOS) di Copeco, a indica.
E organismo di proteccion civil a señala cu pa diahuebs ta premita un aumento di precipitacion debi na e “influencia indirecto” di e tormenta tropical Otto, cu durante algun ora a converti den un horcan.
Otto a degrada diaranson na un tormenta tropical mientras e ta yega Costa Rica y Nicaragua cu bientonan maximo sosteni di 70 miya pa ora (110km/h) segun Centro Nacional di Horcan (CNH) di Merca a informa.
Segun e proyeccionnan di CNH, e centro di Otto por alcansa e zona fronteriso entre Costa Rica y Nicaragua diahuebs, pa sali bek den oceano Pacifico di e costa zuid di Nicaragua of nort di Costa Rica den e anochi di mañan of tempran diabierna.
Otto, cu a transforma den e di shete ciclon di e actual temporada den Atlantico, a bati e record di horcan cu ta forma mas despues den e temporada oficial den Mar Caribe, tras supera Martha, cu a converti den horcan di dia 21 di November 1969.
E Sistema di Alerta Tempran (SAT) di Copeco, a instrui e Hondureñonan na restringi nabegacion di embarcacionnan mediano y chikito den caso di presenta alteracion den oleahe y vigila e areanan vulnerabel na inundacion of deslisamento.
Tambe tin cu observa nivelnan di riu y kebradanan cu por representa riesgo, no crusanan den crecemento y evita e circulacion riba camindanan interurbano entre 6’or di atardi pa 6’or di mainta, pa reduccion di visibilidad, entre otro medidanan preventivo.
Fuente: NTN24