BOGOTA, Colombia – E instituto di Hidrologia, Meteorologia y Estudionan Ambiental (Ideam) a eleva e nivel di alarma riba e isla di San Andres pa e tormenta tropical Otto, cual a pasa di ta horcan categoria 1.
Debi na e fenomenonan aki a spera awasero fuerte y rafaganan di biento den e proximo oranan, pa loke autoridadnan insular ta pidi comunidad ta atento pa evita tragedia.
Mañan anochi no lo tin operacion aereo pa San Andres debi na tormenta tropical Otto no lo tin operacion aereo pa San Andres, mescos cu Puesto de mando Unificado (PMU) cu ta funciona na e aeropuerto El Dorado, ta revisa si ta necesario suspende operacionnan aereo durante e oranan di dia di mañan pa San Andres.
E ministero di transporte, Jorge Eduardo Rojas, a splica cu “awe den oranan di dia na San Andres nos no lo tin ningun inconveniente, bientonan no ta permitiendo nos opera pa awo, e ora ey nos no lo tin cu cancela ni represa buelo. Pa 4’or di atardi a dicidi si mañan tin operacion of no pasobra por tin, segun e proyeccionnan di Ideam, un horcan y pesey lo bay tin e cuidao di determina prome cu mañan si por opera of no.”
Rojas a agrega cu “ta dicidi cu mañan den oranan di anochi no lo tin buelonan comercial desde 7’or di anochi pa San Andres pa evita e riesgonan, pasobra aki loke nos tin cu pone prome ta e bida di e usuario,” el a bisa.
Puesto de Mando Unificado cu minister di transporte, Jorge Eduardo Rojas Giraldo, ta presidi, a haci un evaluacion di e situacion den Caribe Colombiano a proposito di e tormenta Tropical Otto.
Fuente: RCN Noticias