A puntra Sr. Luis Oduber, mirando cu e calidad cu awa y coriente tin na Aruba y no ta ser balora esaki, paso loke tin aki no tin otro caminda. Sr. Oduber ta splica.
WEB tabata tin diferente programa, manera “Hunto nos ta spaar”. WEB NV actualmente ta bayendo e scolnan, esaki desde 2014. Esaki ta pa educa e hobennan over di e proceso di awa y cuanto trabao e ta pa produci esaki.
Na 2016 a cuminsa cu e “pop- up” news, y loke cu WEB NV kier logra ta yega na e consumidor, pa nan compronde e balor. Na Aruba nos tin un luho, di tin un awa di un calidad asina halto y e ta wordo hopi desperdicia. Si cada hende, pone un regulator na e kraanchi pa baha consumo, y Sr. Oduber ta papia di experiencia personal. Unico conseho cu Sr. Oduber tin na pueblo, ta di purba haci’e. Kisas no ta posibel pa haci tur cos di un solo biaha, pero conscientisa e muchanan. Awa ta costoso berdad, e minimimo ta pa uzo personal, lo demas ta pa baña, spart cun’e y tambe muha mata. Uz’e consciente. E spartmento ta den bo man.
Tin cierto barionan ta haya presion halto y otro nan ta haya presion abao. Vooral esunnan di presion abao, tambe mester por goza di un presion halto. WEB NV mester provee tur cliente cu e awa. Nan ta pone instalacionnan y haci inversionnan, pa por yega na cada cliente.
Actualmente WEB NV ta den un fase transitorio. Den ultimo 10 pa 15 aña tabata tin hopi cambio den tecnologia. Den e siguiente 5 pa 10 aña lo sigui desaroya riba tereno tecnologico. Pero tambe lo prepara nan empleadonan pa diversifica nan den nan trabao.
Tambe WEB NV tin hopi potencial, cu capacidad halto cu por duna mas servicio cu nan ta dunando aworaki. Sr. Oduber no por bisa unda nan ta bay yega pero e meta ta pa elimina a uzo di fossil fuel, pero si pa expande energia renovabel, proteha nos medio ambiente tambe.
Aunke WEB NV ta chikito y Aruba ta chikito, nan ta duna ehempel na Aruba y mundo henter, segun Sr. Luis Oduber, director di WEB NV.