Diahuebs anochi a tuma un reunion entre sindicato STA bou direccion di Sr. Diego de Cuba y Minister di Infrastructura, Sr. Otmar Oduber. Esaki ta relaciona cu diferente puntonan di preocupacion pa cu Serlimar y su empleadonan.
Durante e reunion hopi informacion a bin dilanti, unda cu a duna e atencion debido na e diferente topiconan di preocupacion. Ta trata di puntonan di preocupacion di tanto sindicato STA y di su miembronan. Varios punto a wordo trata, pa asina atende cu e preocupacionnan di e empleadonan di Serlimar y pa trece trankilidad bek bou di trahadonan di Serlimar
E mandatario di Infrastructura, Sr. Otmar Oduber ta satisfecho con e reunion a bay, caminda cu a delibera ariba e puntonan di preocupacion, treciendo claridad ariba esakinan.