ANKARA, Turkia – Forsanan di siguridad Turco a detene shete persona relaciona cu e asesinato di e embahador Ruso, Andrey Karlov den e capital Turco, Deutsche Welle, a informa diamras.
Tata, mama y ruman muhe di e supuesto asesino, Mevlüt Mert Altintas, a wordo ddeteni anochi na Soka, ciudad natal di e atacante situa west di Turkia.
Altintas tabata polis y tabata dos aña y mey den e forsanan antidisturbio.
Un periodico opositor Turco a informa cu un di e personanan deteni ta e compañero di piso di e asesino na Ankara.
Segun medionan local, polis ta investigando e vinculo entre e asesino y e organisacion di e clero Musulman, Fethullah Gulen, kende Ankara ta acusa di ta tras di e intentonan golpista di dia 15 di Juli ultimo.
E medionan aki ta señala cu e scol di polis caminda cu e atacante a gradua, ta bao di control di oficialnan di polis Gulenista.
Mas of menos shen meter di e luga di e hechonanta situa e embahada Mericano, caminda cu madruga un homber a tira prome cu a wordo deteni pa e guardia di siguridad di e legacion diplomatico. E incidente no a causa victima.
Merca y Iran a anuncia ciere di nan embahada y consuladonan na Turkia durante diamars.
Fuente: NTN 24