CARACAS, Venezuela – Un Un homber y un muhe a keda deteni den e stado Monagas pa presuntamente planea e envio di 350 popchi di cocaina pa Merca, Ministerio Publico a informa awe.
Mediante un nota di prensa, Ministerio Publico a splica cu Nohelia Calzadilla di 41 aña y su pareha, Jonathan Perez di 21 aña, a wordo deteni dia 26 di Januari ultimo “tras e elementonan di conviccion presenta” pa e Fiscalia, segun e agencia di noticia EFE.
E pareha tabata pretende, segun e nota di prensa, a saca e droga di Venezuela atrabes di un empresa di encomienda cu nan ta opera den e ciudad di Maturin, capital di Monagas.
Ambos a wordo acusa pa e delito di trafico agrava di substancianan narcotico y psicotropico den e modalidad di ocultamento y comercialisacion, premira den e legislacion local y lo keda cera den e Internado Hudicial di e estado aki.
“Autoridadnan a sorprende Calzadilla y Perez ora cu nan tabata den locker di e empresa, casi pa manda e popchinan di masa flexibel. Atrabes di e experticio, a determina cu e droga a suma un peso di 2 kilo 297 gram cu 177 miligram di cocaina”, e nota a agrega.
Fuente: El Universal