PAKISTAN – E mucha muhe Afgano kende a bira famoso door di su wowonan berde riba e frontcover di National Geographic na 1985, a wordo deteni awe na Pakistan door di posesion ilegal di un documento di identidad nacional di e pais aki, unda cu e tabata biba den un campo di refugiado.
Sharbat Gula, inmortalisa pa e fotografo Steve McCurry, a obtene presuntamente documentonan di identidad Pakistani p’e y dos supuesto yiu, depsues di a soborna tres funcionario, un agente di e Agencia di Investigacion Federal (FIA) a bisa na Efe, cu a prefera di mantene anonimato.
E refugiado Afgana di 46 aña, cu no tin nacionalidad Pakistani, lo wordo traslada na un prizon di muhe, unda cu e lo warda cu un tribunal mira su caso y por enfrenta un pena di prizon te cu shete aña.
Fuente: EFE News