LONDON, Inglatera – Tras e circulacion di un noticia den varios medio di comunicacion caminda ta bisa cu Miss Guyana, Soyini Fraser a wordo deteni na London pa trafico di droga, e organisacion di e reinado di e pais aki a desmenti esaki y a sigura cu lo cuminsa cu investigacionnan pertinente pa haya e responsabel di e hecho.
“A yega na nos atencion cu un site di noticia, cuestionabel, a bin ta circula rumornan cu nos Miss Universo Guyana 2016, Soyini Fraser, lo ta involucra den un escandalo di droga na e aeropuerto di Heathrow na London. Tin e siguridad cu e articulo riba www.metro-uk.com ta falso y nos ta investigando pa haya e fuente y e autor,” e publicacion ta bisa.
E articulo a sigura cu e Reina a purba di ingresa dos kilo di cocaina den e capital Ingles pero cu el a wordo intercepta pa autoridad.
Fuente: NTN24