NEW YORK CITY, New York – Un hurado Mericano a declara diabierna Efrain Antonio Campo Flores y Francisco Flores de Freitas, kendenan tabata wordo enhuicia na New York pa presunto narcotrafico, culpabel.
E decision a wordo anuncia na final di cinco ora y mey di deliberacion di e hurado, componi pa shete hende muhe y cinco hende homber, EFE a anuncia.
E condena lo keda conoci mas despues pa e hues, aunke, en principio a fiha e fecha di dia 7 di Maart proximo pa conoce.
Campo Flores y Flores de Freitas, sobrinonan di e prome dama di Venezuela, e diputado Cilia Flores, a keda den shock ora cu e presidente di hurado a caba di lesa e decision.
E huicio cu a cuminsa dia 7 di November ultimo, un aña despues cu e acusadonan a wordo deteni na Haiti y despues treci na Merca, a keda na encargo di hues Paul Crotty.
Ministerio Publico a acusa e dos Venezolanonan di purba di exporta pa Merca mas of menos 800 kilo di cocaina, desde Venezuela, via Honduras.
Fuente: El Universal