HAVANA, Cuba – Dentro di un aña, dia 24 di Februari, ta spera cu ta sosode na Cuba algo cu no a sosode desde 40 aña: un hende sin e fam Castro lo ocupa e presidencia di e pais.
Durante e lunanan venidero lo ta definicionnan na Cuba, pero awo solamente tin incertidumbre, no solamente riba con e lo sosode e transferencia anticipa di poder, sino tambe riba e futuro di e relacionnan entre Merca y Cuba bao di presidente Donald Trump.
Na 2013, Raul Castro a transmiti na e Asamblea nacional su intencion di retira di e presidencia di e Conseho di Estado – y cun’e tambe di e hefatura di e Gobierno. Su aparente sucesor ta Mguel Diaz-Canel, un politico kende a wordo ascendi den e filanan di e Partido Comunista di Cuba (PCC), kende a wordo promovi na prome vicepresidente di e Conseho di Estado y di e ministernan di e mesun aña.
Castro a wordo nombra formalmente presidente na 2008, aunke e tabata den frente di e pais desde cu un enfermedad fulminante a saca su ruman homber Fidel for di poder na 2006. Fidel Castro a fayece na November di a aña pasa y awo e futuro politico di e nacion por dicidi den e por dicidi den e proximo eleccionnan, ora cu e diputadonan eligi conforma e legislatura nobo di e Asamblea Nacional dia 24 di Februari 2018, y eligi un hefe nobo di e Conseho di Estado – e fecha di inicio di cada legislatura a wordo scogi pa su caracter simbolico di dia 24 di Februari 1895, cu a cuminsa cu e ultimo guera di independencia y a aproba e actual Constitucion na 1976.
Fuente: http://www.elnuevoherald.com