SUISA – Pa tin e regla, ta sinonimo di sofa, klechi, piyama, Ibuprofen y chuculati, hopi chuculati. Chuculati cayente, icecream di chuculati, chuculati den mangel, croissant di chuculati…. Wel bon. Con ta bay amiga, nos a bin alegra bo dia.
E empresa Suiso Chocolate with Love, a crea e chuculati Frauenmond, cu “ta alivia dolornan menstrual, por lo menos esunnan di e ovarionan.” Marc Widmer, doño di e empresa y gran pastelero, a splica e corant Independent cu e chuculati aki ta contene 17 yerba natural cu ta yuda na alivia e dolornan, ademas di mehora e circulacion y e nivelnan di serotonina.
E beneficionan ta surgi di e combinacion di e yerbanan cu chuculati, cu ta produci un efecto calmante.
Marihuana, otro bon aliado
Chuculati ta solamente uno di e lista varia di alimento (obheto of otro substancianan) cu ta yuda muhenan na hiba na algo miho e dolor di menstruacion ora cu nan ta “den e dianan aki.”
E laboratorio Mericano Foria a crea algun supositorio (parecido na un tampon) a base di marihuana pa calma dolornan menstrual. “Probechando e podernan compleho di cannabis pa crea afrodisiaconan terapeutico y productonan curativo tanto pa hende homber como pa muhe,” e empresa ta splica riba su pagina web.
E tratamento “ta uza matanan di nort di California y interactua cu e terminacionnan nervioso rond di e matriz, e boca di matriz y e ovarionan y ta blokia e inflamacion.”
Aunke e dokter di e Universidad di Oxford, Helen Webberley, a desaproba den su momento: “e capsula aki no a wordo studia y no a wordo aproba pa FDA, te asina leu.
Mi lo ta hopi preocupa pa muhenan cu ta uza e producto aki prome cu el a wordo evalua.”
Fuente: http://www.gonzoo.com