ASUNCION, Paraguay – Ministerio di Relacionnan Exterior di Paraguay a confirma diabierna e suspension di Venezuela di Mercosur, tras un reunion di canciyer di paisnan miembro, segun un comunicado di e entidad remiti na medionan.
“Riba e dia di e fecha, e canciyernan di e Estadonan parti signatario di e Trataod di Asuncion, Susana Malcorra, di e Republica Argentina; Jose Serra, di e Republica Federativo di Brasil; Eladio Loizaga, di e Republica di Paraguay y Rodolfo Nin Novoa, di e Republica Oriental Uruguay, integrantenan di e Conseho Mercado Comun di Mercosur (CMC), a notifica e Minister di Relacionnan Exterior di e Republica Bolivariana di Venezuela, Delcy Rodriguez, e cese di ehercisio di e derechonan inherente na su condicion di e Estado Parti di Mercosur di e Republica Bolivariana di Venezuela,” por a lesa den e comunicado.
Canciyeria di Venezuela a publica un tweet poco despues di a conoce e noticia caminda cu ta sigura cu e pais aki ta sigura di ta parti di e bloke y sigui “den e presidencia pro tempore di e organismo aki.”
Den un rueda di prensa, e canciyer di Venezuela, Delcy Rodriguez a afirma tambe cu su pais no a wordo notifica ainda y cu ora cu e wordo notifica lo confirma cu “loke ta pretende ta haci ta un golpi di Estado den Mercosur” y cu e medida aki” lo ta haciendo un Mercosur ilegal.”
Mercosur lo a establece dia 2 di December como fecha limite pa Venezuela aproba 112 resolucion di e bloki y casi 300 parametro rekeri pa ta miembro.
September ultimo, e Estadonan miembro di Mercosur a duna e plazo di tres luna pa Venezuela adopta e acervo normativo vigente di e bloke.
E decision di e cese di e derechonan como Estado parcialmente ta drenta na vigor desde e notificacion y hasta cu e paisnan miembro di Mercosur “combeni cu e Republica Bolivariana di Venezuela e condicionnan pa reestablece e ehercicio di e derechonan como Estado parti,” e comunicado a añadi.
Venezuela a uni na e bloke – funda pa Argentina, Brasil, Uruguay y Paraguay – na 2012. Dia 14 di December proximo, e presidencia di Mercosur pasa pa ta colegiado y comparti Argentina, Brasil, Uruguay y Paraguay.
Oranan prome, riba su cuenta di Twitter, e canciyer di Venezuela a skirbi cu su pais no lo reconoce e decision.
Fuente: CNN en Español