MERCA – Atrabes di e aplicacionnan LoverSpy, tabata manda periodicamente emailnan na clientenan cu mensahenan priva di e victimanan hunto cu nombernan di usuario, paswoord y listanan di e websitenan cu nan a bishita. Un pirata cibernetico Salvadoreño, conoci como “hacker di amor”, kende ta figura entre esunnan mas busca pa FBI, a wordo deteni pa Interpol y polis di e pais centro Americano aki, un fuente oficial a informa. “Nos ta participa den e captura di un Salvadoreño siman pasa cu el a comete un fraude cibernetico na Merca hopi fuerte,” el a sigura cu e director di e Cuerpo di Siguridad, Howard Cotto, den declaracionnan na medionan local.
Ta trata di Carlos Enrique Perez Melara, acusa di interveni den e comunicacionnan priva di cientos di victima mediante un aplicacion yama “Lover Spy”, cual a bende cu eprobmesa di descubri e infidelidad entre pareha.
E programa tabata manda periodicamente emails na su clientenan cu mensahenan priva di e victimanan hunto cu nomber di e usuarionan, paswoord y lista di e websitenan cu nan a bishita.
Perez Melara a yega Merca cu un visa di turista y mas despues a haya un visa di studiante pa tuma cursonan universitario na San Diego, California.
Autoridadnan Mericano a bay tras Perez Melara desde Juli di 2005, ora cu nan a emiti un orden di aresto na California pa e multiple delitonan cibernetico.
“Nos ta den tur disposicion di colabora cu autoridadnan di Merca pasobra nos tin entendi cu e ta un di nan mas busca pa FBI,” e hefe policial Salvadoreño, kende no a procesa mas riba e proceso, a bisa.
Di acuerdo cu prensa local, Perez Melara a wordo aresta dia 2 di Februari den un zona exclusivo di San Salvador.
Fuente: El Espectador