Den bista di Sr. Armand Hessels di Fundacion Gobernacion di Calidad Aruba pa e ultimo añanan aki por wak cu placa uza den algun proyecto di Gobierno, no ta haya sa si e placa gasta a yega pa e proyecto of e placa a wordo uza otro caminda.
E ta splica cu e parti dificil ta cu no tin idea. Pakico no? Pasobra desde e momento cu nan a cuminsa haci tur e gasto, inversionnan y ta papia di masha hopi inversion mes. En total, e placa cu a wordo gasta ta trata di centenares di miyones di florin. No tin ningun tipo di responsabilisacion di esaki y esey ta e problema. Normalmente, despues di un proyecto asina tuma luga, tin un analisis di parti di Central Accountants dienst, despues di ARA. Nan ta haci un analisis, si e placa cu a wordo uza, a wordo bon uza. Esey a haci cu locual ley di contabilidad ta exigi, por ehempel, destaho publico, si nan a bay segun leynan stipula. Tur esaki ta determina si uza e placa ey na un manera drechi. Te dia di awe, y ta papiando di cinco aña despues, no tin nada, no tin ningun informacion con e placa a wordo uza. Si e placa a wordo uza na un manera legal, si e placa a wordo uza na un manera efectivo. No tin nada y esey ta e critica principal di e fundacion. En realidad locual cu ta haciendo, ta e trabao di Parlamento. Hustamente ta Parlamento ta esun cu mester haci tur e preguntanan aki y nan mester exigi di Contraloria General cu nan ta haya e rapport. En bista di e eleccion venidero, ta importante pa henter pueblo haya un idea si Gobierno a uza tur e placa cu el a dispone di dje, na un manera corecto. Tanten cu esey no a tuma luga, ta dificil pa pueblo pa pone su confianza seriamente den un Gobierno cu no ta duna cuenta.