Segun vocero di polis, Liliana Rasmijn, Cuerpo Policial tampoco no tin nada oficial. Pero si ta bon pa e alerta keda cerca e mayornan mirando cu esnan cu ta bende droga semper ta busca forma pa bende droga di un manera of otro.
Sigur esaki ta un tema cu ta wordo confronta cun’e tur dia. Esaki no por descarta cu e no ta na Aruba, pero cerca polis no a presenta te ainda. E ora mester ta conciente tambe di esey. Manera ya indica, como mayor tin cu educa e muchanan un tiki mas, splica nan manera cu ta mustranan di chikito, no ta tuma cosnan for di hende straño, vooral mangel. E tendencia cu ta cu muchanan ta wordo gelock pa tuma mangel. Nan ta wak e color y nan ta bay pe. Nan no ta mira malicia den hende.
Papia cu e yiu, manera cu wak un hende straño rond di scol, bay cerca e juffrouw of meneer y bisa esaki. Laga e docente yama polis y pone nan na alerta.
Como polis nan trabao ta pa keda educa tur dia, diferente fenomeno di droga cu ta drenta Aruba.
Segun Rasmijn, esaki no ta awo tin alerta. Cosnan aki ta pasa tin biaha cu scol ta yama cu nan ta denuncia cu tin hende straño cu ta ofrece e muchanan mangel. Esaki no ta algo straño pa polis, pero mester keda alerta. E malo ta eyfo y tin cu educa nos yiunan, pasobra nan ta hopi inocente, cu por fabor no ta tuma nada for di ningun hende.
E fenomeno di lolipop, en berdad e tabata tey y e lo tey ainda den manera di bisa. E ta cambia di diferente forma, pero ta keda e mesun forma. Tur cos nan ta haci mas yamativo pa atrae e mucha. Educador y mayornan, papia cu e muchanan.
Yamando 11141, bo yamada ta keda anonimo. Si bo tin mas cos di bisa y bo ta desea pa un persona di e departamento ey, bo por laga bo number y nomber eyriba y lo tuma contacto cubo y bo ta keda anonimo. Pesey ta bon pa yama 11141, sin miedo, pasobra bo ta anonimo. No preocupa pasobra ningun hende ta haya sa ken ta yama.