RIO DE JANEIRO, Brasil – Nan tabata biaha riba brommer, guia pa nan GPS, ora cu nan a drenta den e favela di Morro dos Prazeres. Nan por a wordo confundi cu un polis, debi ni a e camara di grabacion acopla na suy helm. Roberto Bardella, di 52 aña, no a compronde e orden di stop cu e traficantenan a manda nan.
Bardella tabata biaha riba e brommer hunto cu su amigo, tambe Italiano, cu a sobrevivi e atake, Agencia Brasil a reporta.”Nan por a wordo confundi cu polis, debi na e camara cu nan tabata tin acopla riba nan helm, e traficantenan por a pensa cu nan tabata wordo graba,” e titular di e Division di Homocidio, Fabio Cardoso, a declara na TV Record, afilia na CNN.
Ambos a pretende di bay beach despues di bishita Cristo Redentor, pero nan a kiboca di caminda y a yega den un favela den e zona central di Rio de Janeiro, unda cu un grupo di rond di ocho traficante a cuminsa tira riba nan. Bardella a muri den un tiro den cabes, segun Agencia Brasil a reporta. Nan no a compronde e orden di para cu e traficantenan a manda. Su amigo Rino Polato, kende tabata biaha riba un otro brommer, a resulta ileso.
Despues di un atake, e victimanan a wordo secuestra den un vehiculo pa algun ora, te cu nan a libera e curpa di Bardella y e sobreviviente, kende ta hopi conmociona, segun TV Record.
Division di Homicidio di e Capital a identifica shete presunto responsabel di e morto di e turista Italiano, TV Record a reporta. Despues di diabierna, Polis Militar ta reforsando siguridad y vigilancia di e luga.
Riba rednan social, Polato a ricibi mensahe di apoyo, incluyendo di e Brasileñonan cu a bisa di sinti “berguensa” pa e situacion. “Den nomber di e pueblo Brasileño, mi kier a disculpa pa loke a pasa,” un usuario a skirbi.
No ta prome biaha cu CNN ta reporta incidentenan di e tipo aki na Rio de Janeiro. Na October di 2015, un muhe a muri na tiro, ora cu el a drenta hunto cu su casa, guia pa e aplicacion Wave, den e favela di Caramujo, bao di control di narcotrafico.
Fuente: CNN en Español