DURANT, Mississippi – Dos religiosa Mericano a wordo haya cuchiya den nan cas den e comunidad di Durant, den e estado di Mississippi, den un caso cu a conmove e pais completo.
E soeurnan a wordo identifica como Paula Merrill, un enfermera di e orden di e Rumannan di Caridad di Nazareth di Kentucky y Margaret Held, tambe enfermera, di e Scol di e Rumannan di San Francisco na Milwaukee, ambos di 68 aña di edad.
Ta desconoce e motibo di e dobel asesinato, pero polis a bisa di a haya señalnan di entrada forsa den e cas y un di e autonan di e soeurnan – un Toyota Corolla blauw – cu a disparce for di e garage cu nan a haya, menos di dos kilometer unda cu nan tabata biba, den un caya aparta.
E rumannan a wordo haya morto diahuebs, despues di no a presenta na trabao den un clinica cercano, unda cu nan ta duna vacuna y insulina y a proporciona otro ciudadonan medico pa mucha y adultonan di recursonan limita.
“Tabata e dosnan muhenan di mas tierno y cariñoso cu no por imagina,” e reverendo Greg Plata a bisa, kende ta dirigi e parokia catolico cu e soeurnan a pertenece.
Dokter Elias Abboud, kende a traha cu e soeurnan den e Clinica Medico Lexington, cu ta pensa cu e comunidad “lo bay ta distinto despues di esaki.”
“Tin mester di un hende cu e pasion di stima un hende y traha den e area aki poco atendi,” manera e soeurnan tabata haci, Abboud a bisa.
Fuente: Voice of America