PENSYLVANIA, Merca – Un homber na Pensylvania, oost di Merca, a wordo acusa di e abuso di descubri cu e tabata tin un cadaver den descomposicion scondi bao di cama, pa mas di un siman, medionan local a informa diamars.
Segun e website di noticianan local Penn Live, Donald Teaford, di 36 aña y residente di Aliquippa, cerca di Pittsburgh, a comenta na un amigo cu e tabata tin un persona cu a fayece na su cas warda bao di cama, door di un sobredosis di heroina.
Posteriormente, e amigo aki a notifica polis loke a sosode, caminda cu e agentenan a presenta na e apartamento di Teaford cu un orden di registro y a nota “un holor fuerte di perfume.”
Durante inspeccion den e cas, nan a localisa bao di un di e camanan, un saco di sushi caminda for di dje un boet tabata sali.
Ora cu a lanta e colchon, nan a descubri cadaver di un persona.
Teaford a wordo acusa formalmente di abuso di un cadaver, un figura legal cu por wordo sanciona cu un multa te cu 100 mil dollar.
Autoridadnan no a confirma causa di e fayecimento.
Fuente: NTN24