SVB ta preparando pa amplia e grupo cu lo haya Reparatie Toeslag

Despues cu Gobierno y SVB a trece dilanti cu lo bay duna un suma di 50 florin di Reparatie Toeslag, a surgi hopi pregunta. Entrenan ta e pregunta si personanan cu ta cobra e pensioen di Antias tambe por cobra e Reparatie Toeslag. Edwin Jacobs director di SVB a splica cu el a tuma nota di un declaracion di Prome Minister cu personanan cu tin un pensioen kibra tambe lo bin na remarca pa e toeslag. Esaki ta ta trece cune cu SVB mester cuminsa repara pa e grupo aki. Loke si ester bin claridad riba dje ta e reglanan cu e hendenan mester tene nan mes na dje pa por haya e toeslag.

Awor SVB ta ehecutando e anuncio di Gobierno cu a keda publica 8 di januari cu ta bisa cu tur persona cu tin solamene un pensioen ta bin na remarca pa e Reparatie Toeslag. Gobierno lo ta agregando un di dos grupo pero falta claridad riba e reglanan. Unabes e reglanan y condicionnan ta conoci, SVB lo ehecuta esaki y hendenan lo por cuminsa registra.

E prome siman di informacion a bai hopi bon y como 4 mil hende ya a registra nan mes. Hopi pregunta a wordo haci y a splica e hendenan cu e suma aki e pensionado lo no mester paga belasting dje.  Edwon Jacobs a splica cu ken cu tin pregunta por pasa libremente na SVB pa haya e informacionan rekeri