Sv Estrella campeon Copa Betico Croes 2018

0
RBC Juli 2018
Funmiles-2018

Recientemente tabata tin e gran final di Copa Betico 2018 organisa pa Arubaanse Voetbal Bond, A.V.B unda e ekiponan di Sv Estrella y Sv Dakota a topa otro. Sin duda dos ekipo grandi den historia pa loke ta Aruba su futbol a midi forza contra otro pa e prestigioso Copa Betico, celebrando asina e e fecha natal di e gran estadistica Arubano, Betico Croes awe den felis memoria.
Mester bisa cu e publico presente den e stadion Guillermo Prospero Trinidad na Dakot a gosa di un tremendo final di futbol di e dos ekiponan aki cu ta milita den e division di mas halto di Aruba su futbol. Den un tremendo partido Sv Estrella ta triunfa riba nan rival esta Sv Dakota ganando cu e score minimo di 1 – 0 y asina conkista e Copa Betico Croes pa di dos biaha den historia di e club. Esaki ta di dos biaha consecutivo cu Dakota ta cay venci den e gran final, anja pasa Britannia a gana e Copa y awor ta Estrella ta gana e Copa. Lotto, e loteria di Aruba cu pa varios anja ta un bon partner di Arubaanse Voetbal Bond kier a felicita e ekipo di Sv Estrella y e pueblo di Sta Cruz cu e titulo di Copa Betico Croes. Un pabien tambe ta bay na Dakota cu e keda como e sub campeon y sin lubida e federacion di futbol AVB cu e culminacion exitoso di e Copa Betico Croes 2018.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comments

comments

C: Heineken
new india
dvg