Diasabra pa 8:30 di anochi den Compleho Deportivo Guillermo P. Trinidad na Dakota Sv Britannia Total Finance lo enfrenta e diablonan cora di Noord, esta Jong Aruba. Jong Aruba a caba di promove pa division Honor y sigur tin un reto su dilanti pa enfrenta diferente trabuco cu hopi experiencia. Di otro banda Sv Britannia a haci bastante cambio y a reforsa riba diferente liña y lo busca tur manera pa trece e titulo cas bek despues di un psar di aña. Hungadornan yama ta e wega di awe nochi contra di Jong Aruba ta: Lionel Kaarsbaan, Jean Carl Henriquez, Dannis Mozo, Rodymar Paesch, Jeanpierre Fingal, Theric Ruiz, Aljee Feliciana, Miguel Gutierrez, Ericson Croes, Johnatan Ruiz, Luis “Coco” Estrada, Sylvester Schwengle, Jean Claud Farro, Mairon Guitierrez, Bruno Conceicao, Richard v/d Hoest, Marvin Hous y Keano Maduro. Prome cu e wega di Sv Britannia Total Finance a hunga Ind. Caravel vs Dep. Nacional pa 6:30 di atardi y anochi ya desde 8:30 e gran clash ta tumando luga. Ta invita tur fanatico di bon futbol pa bin presencia e dos bon weganan aki den stadion Guillermo P. Trinidad. Diabierna den e prome wega SV Dakota tabata sa di gana RCA cu score di 3-0 y ta duna e prome sorpresa di e campeonato aki.