Diabierna atardi tabata tin continuacion di campeonato di AVB 2017/18 división Menor den CD Franklyn Bareño na Piedra Plat. Sv Britannia CMC a enfrenta e fuerte ekipo di Brazil Jrs. For di e pitaso inicial, Sv Britannia a sali brabo y a domina e wega completo y na final ta bin gana e wega cu score di 8-0. Goalnan di Sv Britannia CMB a wordo anota pa; Moises Castro1x, Jose Sophia4x, Wesley Illes2x i Romano Maduro1x. Tambe nos ta jama Moises Castro, Kyle Budhu Lall y Xander Wouters bon bini bek na Aruba despues cu nan a hasi un try-out na Hulanda y actualmente ta wardando contesta di Hulanda.