Diaranson marduga unidad di bombero di Post na Tanki Flip a sali cu urgencia pa Tanki Leendert unda lo tin auto na candela. Ta un persona cu tabata pasando e caminda paden na Tanki Leendert a topa cu un suv staciona banda di caminda pega cu mondi na candela.
Manera unidad di bombero a presenta na e sitio a constata cu di berdad tin huma ta sali for di e auto, a habri e porta y di berdad candela a destrui full e auto paden. A haya un jerrycan tambe cu posibelmente a basha gasoline aden pa kima e auto. Bomberonan a logra domina e candela por completo.