Diaranson mainta e team di Arthy Lie’s Taekwondo a yega for di Paramaribo, Surinam. Nan ta bay ta na Aruba pa un paar di dia pa asina nan por train hunto cu e team di Brazil Taekwondo Stichting y fula tera un tiki.
Alberto Klabér di Brazil Taekwondo Stichting a bay ricibi e grupo di Surinam y yamanan bon bini na Best of the Best 2016. E biaha aki nan a bin cu 8 atleta pa Best of the Best y algun di nan a bin den pasado caba y ta conoci pa e atletanan di Aruba caba, manera; Germar Atlmann, Michael Lei, Leon Thakoer.
E 3 atletanan menciona aki riba ta 3 di e 8 atletanan cu ta participa na Best of the Best 2016 y nan a hala masha hopi atencion mes aña pasa na Best of the Best 2015. Nos ta un aña despues ya caba y e atletanan a train un aña mas duro pa asina ta bon prepara pa e teamnan for di Surinam, Corsou y Venezuela, kendenan ta yega diabierna durante di dia.
E aña aki Best of the Best ta conta cu mas participacion for di Surinam, Corsou y Venezuela y e atletanan di Aruba ta haña e oportunidad di bringa contra di e paisnan internacional.
E team for di Surinam ta consisti di 8 atleta y tin un dama so den nan; Katungi Pinas, Germar Altmann, Michael Lei, Lucieno Pinas, Leon Thakoer, Elio Vroom, Xavio Martopawiro y e dama Shakira Pawirodimedjo. Brazil Taekwondo Stichting ta yama Surinam bon bini y esun miho lo gana.