Despues cu e Super heroe nan cu capa cora a participa den Aruba Bank Walk & Run, e fin di siman aki nan tawata presente atrobe pero e biaha aki den Oranjestad. Un di e mata nan riba Plaza Daniel Leo tawata completamente yena cu capa nan cora di super heroe, cual a hala hopi atencion.
Esaki a wordo acompaña pa un borchi pega na e mesun mata aki cual tawata bisa; Bo no mester tin super poder pa bo ta un heroe y cu tur dia tin super heroe entre nos. E porta bo colega, bo bisiña of hasta miembro di bo famia. Abo tambe por bira un super heroe.
Nos a bay busca informacion tocante di e accion aki y na nos mesa di redaccion a yega un persona cu kier keda anonimo cu a duna nos informacion tocante e accion aki. Cu e yamada na super heroe nan aki na Aruba ta grandi y cu ta wordo busca fuertemente na super heroe nobo. Awor nos tin un tiki mas claridad riba e situacion. Keda atento den e dia nan aki pa super heroe nan entre nos.
Abo ta un super heroe? Abo ta yuda bo prohimo?