Recientemente Kiwanis Young Professionals Club of Aruba a organisa e conocido “Summer Glow Party”. Esaki a tuma lugar riba Plaza Daniel Leo completamente transorfma. E publico presenta a disfruta di musica bibo di N Fuzion y e banda Buleria. Locual a resalta tabata momento cu e integrantenan di ambos a banda a uni cu otro riba e escenario y a canta hunto. E publico presenta a sa di yena e pista di baile henter anochi y comentarionan tabata hopi positivo di e servicio cu Gellatisimo Bistro a brinda na henter e publico. Kiwanis Young Professionals Club of Aruba ta hopi satisfecho di por a ricibi e sostén di cada persona cu a cumpra nan carchi pa por a pasa un anochi agrabel y na mes momento colabora cu e causa di e club. Tur fondo cu a wordo recauda ta bay bek den nos comunidad por medio di diferente proyectonan cu Kiwanis Club of Young Professionals ta organisa of sostene. Naturalmente un evento di e magnitud aki no ta posibel si e ayudo di diferente patrocinador. Un danki grandi ta bay na Elite Productions & Entertainment, Albo, Gellatisimo Bistro (Gianni’s Group), Dropzone Aruba, Dylser NV, Ecotech, Tropical Bottling Company, ECO Destination Management y tur e bandanan hunto cu Dj Vibes y Beatz.