WASHINGTON, D.C. – Den tres estado mericano cu a duna como resultado e victoria di Donald Trump durante e eleccionnan ultimo, un recuento di e votonan ta mas probabel.
Candidato presidencial di e Partido Berde chikito, Jill Stein, den un corto tempo, a acumula suficiente placa pa por cubri pa e peticion di un recuento.
E conteo a tuma luga diahuebs, mita dia despues cu Stein a pidi pa e accion, ya caba riba casi 2.5 miyon dollar. Esey ta suficiente pa por cubri costonan di griffie. E ta suma 1.1 miyon pa Wisconsin, 600 mil dollar pa Michigan y un mey miyon pa Pennsylvania.
E prome estado caminda cu un peticion a wordo pidi ta pa Wisconsin. E deadline pa esaki ta diabierna. Mientras tanto e accion di crowdfunding ta sigui. Pa por paga e abogadonan, Stein ta pensa cu tin mester di 6 pa 7 miyon di dollar.
Fuente: De Telegraaf