Suiza lo entrega datonan bancario di Roberto Rincon na husticia Mericano
BERN, Suiza- E pais Europeo lo por entrega na e Departamento di Husticia Mericano mas datonan bancario di e investigacion Mericano riba e soborno di personana di cargo halto den e petrolero estatal Venezolano PDVSA di parti di empresarionan Venezolano y Mericano, a cambio di haya contratonan lucrativo.
E instancia hudicial mas halto di Suiza a duna lus berde na e Oficina Federal di Husticia pa esaki sigui cu e asistencia fiscal di Merca, despues di e rechaso di e recurso di un empresa afecta cu un cuenta di banco den e pais aki.
E gobierno Mericano ta acusa e empresarionan Venezolano Roberto Rincon y Abraham Jose Shiera, e principal fundadornan di e trama corupto, di a paga entre 2009 y 2014 casi 1 biyon dollar na directivonan di e compania estatal di Venezuela. E investigacion di Merca ariba e dos acusadonan aki a extende na 730 cuentanan di banco, hopi di nan na Suiza.
Relaciona cu e investigacion, na final di 2015 Suiza a opta pa entrega e datonan financiero di Merca y e blokeo di cuentanan, na momento cu e investigacion contra Rincon y Shiera a bira conoci. E dosnan aki ta sperando nan sentencia.
En total ocho cuenta a wordo afecta pa e transferencia di datonan bancario na Merca y un di nan a wordo blokea.
Suiza a freeze mas di 100 miyon dollar y na October aña pasa el a anuncia e transferencia di 51 miyon dollar, segun e agencia SUizo ATS, cu a indica cu e resto ainda ta gefreeze.
Na Januari ultimo dos empresario Mericano, Juan José Hernández y Charles Beech, ambos di e sector energetico, a declaranan mes culpabel di soborno na personanan di cargo halto di PDVSA, violando e Ley di Practica Corupto den Exterior (FCPA) di MErca, destina na combati pagonan di soborno for di companianan Mericano pa empresario of funcionarionan
Fuente:www.lapatilla.com