BUENOS AIRES, Argentian- Expertonan ta señala cu e wega lo por contene peliger di hortamento di informacion, acoso, extorsion, trastorno fisico y psicologico of provocacion di morto.
E suicidio di un menor di 12 aña na Argentina, presuntamente vincula na e wega ‘Momo’ cu ta difundi di manera viral entre hobennan pa e servicio di manda mensahe WhatsApp, ta sende un alarma di nobo entre e autoridadnan di varios pais.
E wega ya no solamente ta riba rednan social, sino cu awo ta conta cu’n profile anonimo riab WhatsApp, como si ta trata di un usuario real. Den su comienso e tabata trata, kisas, di un simpel joke, pero awe e ta transforma den algo peligroso, segun psicologonan y specialistanan den delito di informacion di varios pais.
Segun algun testimonio, victimanan di ‘Momo’ por ricibi un imagen via WhatsApp den oranan di anochi, y ora di habri esaki nan ta haya un cara mahos compaña di e texto cu ta menasa di un bishita di e criatura mahos den caso cu e usuario no marca e number specifico of no broadcast e mensahe.
Expertonan ta nombra varios peligro asocia cu e wega aki: hortamento di informacion, stalking, extorsion, trastorno fisico y psicologico como tambe provoca morto di e persona.
“Ami ta kere cu ‘Momo’ a cuminsa un wega y otro personanan a wak cu hende tabata pega ariba esaki” y a cuminsa “gaña cu nan ta ‘Momo’ y a uza esaki pa cosnan ilegal”, Ofelia Sanchez Frias, persona encarga cu Cyberpolice di Tabasco, Mexico.
Probablemente, esaki lo no ta e prome ni e ultimo wega viral cu ta haya ariba internet y ta similar na e wega fatal di ‘Blue Whale’, e challenge di detergente of esun di baila pafo di un auto mientras cu e auto ta coriendo, cualnan ta pruebanan cu ta busca pa pone un limite na e bida humano.
“Mester bisa e hobennan cu relacionnan cu ta secreto, cu ta keda tras di lomba di mayornan, generalmente pa no bisa semper, ta relacionnan peligroso”, e psicologo Roberto Balaguer, a finaliza bisando.