Alba Cortez conoce e polis deteni pa mas cu 20 aña. Nan tin un yiu di 20 aña y no ta husto pa polis of pa autoridad bin detene un homber djis pa un prostituta cu ta un muhe cu ta djis pasa na Aruba y bay. Bo no ta tuma cuenta di yiu di tera y yiu di tera ta Eduardo Bremo cu sa cu ta inocente. Cortez conoce e homber kende ta uno hopi entrega na su famia y na su trabao. Semper e ta preocupa pa su trabao keda nechi y di e dia cu nan a detene, hopi cos a sali afo. Bremo semper ta mas na trabao cu ta na su cas. E no tin tempo ni pa su yiunan pasobra semper e kier cumpli cu su trabao. Djis pa un muhe di caya bin haci tanto cos asina, daña su fama. Cortez sa cu e no ta un violador. Si un homber ta viola un muhe, mester tin un maltrato di biaha. Ta core sali di e luga, bo ta bay di biaha na polis. Bo no ta laga pasa un paar di dia pa bay pone denuncia. Por tin testigo, pero Cortez ta basa di su conocemento di e homber aki cu ta un bon tata, bon yiu, bon ruman, bon homber. Cortez ta pidi husticia tuma parti pa yiu di tera. E homber aki no ta un homber violador. E homber ta un homber integro di su mes, pasobra e homber aki Cortez sa ken e ta y hopi hende sa ken e ta. Nan ta kere mas un prostituta kende ta bisa cu nan a viol’e y ta conta ora cuanto rato a keda viola. Ora un hende ta wordo viola bo no ta conta ora y bo no ta pidi e agresor hib’e su cas bek. Hamas y nunca, segun Cortez. Cu el a bay cun’e, ta un homber e ta. Tur hende tin desliz den e mundo aki. Tanto homber como muhe. Pero ta pidi autoridad pa por fabor, e nieto ta hopi tristo y ta un mucha di 6 aña y e pareha ta sufriendo hopi.
Bremo ta hura y ta bisa cu e no conoce e muhe. Cortez ta investigando e muhe. E no sa drenta den e luga di muhenan di caya pasobra e no conoce luganan asina. Cortez a papia cu un dama di eybanda, unda cu Aruba Trading tabata y a bisa Cortez cu e muhe ta gaña. Hasta su nomber artistico el a dun’e, y cu e ta Gaby. Nunca Cortez a drenta den un luga asina. Gomez tin duele. Su yiu tin stress den su curpa. Cortez ta kere Bremo y e pareha di dje tambe ta kere den Bremo. E polis a hura pa su yiunan cu e no a viola e muhe y ta pa prome biaha el a wak’e y Cortez sa cu e no ta bay gaña. E prostituta a bisa cu el a wordo viola y Bremo a bisa cu no. E no tabata sa mes e nomber di e muhe.
Ta trata aki di un polis y tin cu tuma parti pa autoridad. Autoridad tey pa defende hende y no pa push’e bay abao. Cortez ta cuestiona dicon no tin husticia, den e caso aki pa un prostituta cu ta bin busca placa na Aruba y bay su pais. Cortez ta suplica autoridad. Bremo ta inocente y no ta bon pa pone man den candela, pero pa Bremo si e ta pone man den candela, pasobra e sa ken e ta. Cu 22 aña cu e ta cu su yiu, e sa ken Bremo ta.