Subi un potret riba rednan social awo tin un nomber: Braggie

0

Segun un encuesta realisa pa Instagram, cuater di cada 10 persona ta post riba nan rednan social, potretnan di nan biahe, pa genera comentario y blof dilanti di nan amigonan. Incluso, segun e mesun encuesta, 25% ta haci’e manera cu nan yega nan destino y 70% ta kies solamente e miho imagennan prome cu load esakinan.

E ta un fenomeno mundial cu a bira tendencia y tin un nomber: Braggie, un palabra deriva di e verbo “to brag”, cu kiermen presumi of blof.

Segun otro encuesta realisa pa e website Hotels.com, na Reino Uni un 39% di e usuarionan a admiti di a subi imagennan di nan vakantie pa genera comentario entre nan circulo di amistad y famia.

Pero, tene cuenta cu share potret di nos vakantie no ta nada nobo. Sin embargo, den e era di rednan social, nos ta birando mas competitivo pa tur hende haya sa con grandi nos vakantie ta”, segun Laura Watts di Hotels.com a splica na Daily Mail.

Segun e estudio Britanico, shete di cada dies persona na kende a haci e encuesta, ta reconoce cu nan ta scoge e miho potretnan of ta “edit” nan prome cu subinan pa nan ta mustra miho of pa wak cual tin e miho angulo di e usario. Y cu e cantidad di aplicacion cu tin awendia pa smartphones ta imposibel no cay den tentacion.

http://www.m360.cl/