ROTTERDAM, Hulanda – Landelijke Studenten Rechtsbureau (LSR) ta hiba Hogeschool Rotterdam corte.
Den nomber di varios studiante cu ta studia Bachelor Medische Hulpverlening, LSR ta exigi den total un daño y perhuicio di mas of menos 1 miyon euro pa retraso den estudio, di cual e scol ta responsabel pe.
Pa cada studiante e ta bin riba mas of menos un 20 mil euro. “Studiantenan mester haci mas costo debi na e retraso di estudio y por cuminsa cu un trabao hopi despues. Esaki ta falta di ingreso, pero ta recorta por ehempel tambe e periodo pa asina traha pa un pensioen,” segun presidente di LSR, Gabriel van Rosmalen.
E Bachelor Medisch Hulpverlening ta e estudio cu studiantenan por sigui pa bira empleadonan di ambulance, anesthesie y tambe pa traha den Spoedeisende Hulp (Eerste Hulp). Hogeschool Rotterdam lo a pidi dos aña laat pa un BIG-Registratie pa studiantenan. Un BIG-Registratie ta un exigencia pa esnan cu kier traha den e sector di cuido.
Fuente: NU.nl