Diabierna riba tereno di Colegio EPI, e studiantenan di e sector horeca a tene un accion mustrando nan mal contento y nan preocupacion pa e situacion coriente cu e scol y e studiantenan ta pasando aden.
Nan a entrega un carta di protesta na e directornan di EPI, pidiendo pa pone nan na altura di loke ta pasando na e scol, cual a cuminsa na un manera hopi demotivante.
Nan a dicidi protesta, diabierna, 26 di Augustus, riba e hecho cu nan tin derecho riba e ambiente escolar. Nan a bin cu un lista di 10 punto di preocupacion.
1. Posponemento di lesnan continuo debi na e roosternan
2. Lesnan ta cumina pa 7’or y 30 y caba pa 5’or y 15 di atardi.
3. Manera informacion di comunicacion cu e studiantenan via Facebook.
4. Informa e studiantenan laat den anochi riba e rooster y spera nan pa bin mainta tempran scol.
5. Klasnan no por tuma luga debi na e gruponan grandi y e localnan cu no ta adecua.
6. Instructornan ta demotiva y irita debi na e situacion.
7. Studiantenan ta cana rond di scol den uniformnan di cushina, mientras cu e cushina no por funciona apropiadamente.
8. Cada dia di un klas ausente ta mas presion pa caba na ora pa e examennan.
9. Studiantenan tin mester di asistencia di e managernan cu nan rooster y conseho riba cua klasnan pa sigui.
10. Studiantenan internacional no tin buki debi cu no tin managernan no tey pa autorisa uzo di e bukinan aki.
Ta spera di haya un respuesta por escrito riba e preocupacionnan aki y ta spera cu tur e factornan cu e operacion di e scol por wordo resolvi mas pronto posibel.