ZOETERMEER, Hulanda – Studiantenan di MBO cu no a cumpli 18 aña ainda, por desde dia 1 di Januari 2017, biaha gratis cu Transporte Publico (OV). Ya 30 mil studiante a haci un peticion pa un OV Kaart gratis, segun ministerio di Enseñansa, Cultura y Ciencia diamars.
“Nos ta pidi di e studiantenan pa nan haci un escogencia di estudio conciente. Ta pesey nan mester ta mobil, pa asina nan por studia of core stage for di nan propio luga di biba. Un OV kaart ta “hoord daarbij”, tambe pa studiantenan di MBO bou di 18 aña,” segun minister Jet Bussemaker.
E ministerio ta spera cu di e 120 mil studiantenan di MBO menor di edad, mas of menos un 100 mil ta bin haci e peticion di un OV kaart gratis den e proximo lunanan.
Fuente: ANP